ELEKSYON 2010 - Sa Muling Pag-Ukit ng Kasaysayan

Ang Eleksyon 2010 ang sinasabing pinakamakasaysayang halalan sa bansa. Dahil ito ang kauna-unahang Automated Election na magaganap sa kasaysayan ng halalan sa Pilipinas at kauna-unahan din sa Timog Silangang Asya. Tinatayang nasa 11-bilyong piso ang inilaang pondo sa halalang ito. Sa pangunguna ng COMELEC sa isang bidding process ay pinagkaloob nito sa kumpanyang SMARTMATIC-TIM ang pangunguna sa pamamahala ng gaganaping halalan.Tinatayang 82,000 voting machines para sa humigit kumulang 50-milyong botante ang ipapamamahagi sa buong kapuluan para sa nalalapit at ma-ambisyosong Automated Election sa bansa.

Matatandaan noong 2007 ipinasa sa kongreso ang RA 9369 na naglalayan na gawing automated ang local and national election sa bansa.

Kung sa mga nakaraang halalan, ay isa-isang sinusulat ang mga pangalan ng mga kandidatong ating iboboto, ngayon ay isa-isa naman ishe-shade ang bilog kung saan nakatapat dito ang pangalan ng mga kandidatong nais nating iboto. Matapos maisagawa ang pag fill out sa balota idederetso na ito ng botante sa PCOS Machine (Precint Count Optical Scan). Pagkatapos ng proseso, sisimulang basahin at bilangin ng machine ang mga boto at pagsasagawa ng kopya ng election returns.

Ngunit, sa makabagong sistema ng pagbotong ito. Marami ang nag-aalangan kung gaano nga ba ito maaasahan, sinasabing ang prosesong ito ay maghahatid lamang sa isang malawakang dayaan sa halalan, sinasabi din na iba na mauuwi lamang ito sa tinatawag na failure of elections. Handa nga ba ang pamahalaan at ang bansa na mga pagbabagong ito? Sapat ba ang mga information alerts ng COMELEC at ng Media sa pag-eendorso ng proseso sa makabagong paraan ng pagboto?

Sa Mayo-10, 2010 muling iguguhit ng kasaysayan ang kapalaran ng ating bansa. Huwag nating sayanging ang karapatan nating makiisa sa halalang ito. Ang iisa nating boto, maaring maging makahulugan at makapagsimula sa pagbabago. Hind sapat na isipin lang natin ang mga makabagong sistema, ang higit na mahalaga isipin natin ang halaga ng ating balota, dahil dito muli nating isasaalang-alang ang muling magiging buhay at kapalaran sa susunod na kasaysayan ng Pilipinas.

-ryan aquino